Hachhek Jt. Block MNF chuan, "Kan MLA zahawm tak Robert Romawia Royte in a hmuna a rawn endik hnuah Mizoram sorkar hotute, MORTH hotute leh Mizoram Governor thlengin siamthat vat anih theihnana hma la turin a ngen hlawm kha tha kan ti a, full support kan pe a ni," tiin an tarlang.

"Governor zahawm takin chet a lak hnuah Mizoram PWD Minister zahawm tak Vanlalhlana’n a hmun a rawn tlawh hi lawmawm kan ti a. Mhase, a hma daih atanga PWD hotuten min hrilh tawh cheng muai 20 chauh bawk a rawn puang erawh hi chuan mipui min tilunghnur nasa hle a ni. He sum hi PWD in cheng nuai 20 kan ruahman an tih tho kha anih phei chuan ava zialo dawn em," tiin an thuchhuah ah an tarlang.

 

ZPM sorkarin Vantawng bula Ropeway siamnan cheng nuai 3450 dahin Thenzawl khawpui DPR siam manah cheng nuai 1000 a ruahman bawk laia State pahnih inkalpawhna kawng awmchhun chhe lutuk siamnana cheng nuai 20 chauh a ruahman hi mak kan ti tawp theilo, an ti bawk.

He kawng hi state PWD mawhphurhna liau liau anih angin midang puhmawh lovin sum tam zawk hmangin rang taka siamtha vat turin Mizoram PWD Minister leh Sorkar hi kan phut a ni, tiin Hachhek Jt. Block MNF thuchhuah chuan a tarlang.